KBC News (7th  Aug , 2012)

Tokyo Jinghpaw Wunpawng Buga Hkalup Hpung a (10) ning ladu hkrum chyeju shakawn nawku hpawng shiga

Japan Mungdan Tokyo mare kaw hpaw ninghtan da ai Tokyo Jinghpaw Wunpawng Buga Hkalup Hpung a (10 ) ning hpring chyeju shakawn nawku hpawng hpe 22^nd July, 2012 ya shani angwi apyaw sha galaw la lu sai lam shiga na chye lu ga ai. Dai chyeju shakawn hpawng de KBC kaw nna Sara Kaba ni marai (6) mung sadu shang lawm  lai wa sai lam na chye lu ga ai.  Buga de na du sa ai Sara Kaba ni  gaw –

1. Rev.Dr. Saboi Jum ( KBC amu madu/ningbaw  Usa )
2. Rev. Paul Naw Tawng ( Chyum jawng Zinlum )
3. Rev. Hkalam Sam Son ( KBC amu madu )
4. Rev. Yojong Yaw Han ( Htingnai Ginwang Ningbaw )
5. Rev. Sumlut Brang Awng ( Waimaw Ginwang Ningbaw )
6. Rev. Bahkyam Tu Ja     ( Waimaw Ginwang amu madu ) ni re ai lam chye lu ai.

Ndai 10 ning hpring chyeju shakawn hpawng hta TKBC kaw na hpung salang ni rai nga ai, Dr. Luke Kyi Win, Salang Lahpai Htoi Naw, Salang Hpauyu La Seng , Salang Gauri Hkun Hpung ni  hpe sari lu ta mara Hpungtau aya dang ya ai lamang mung galaw lai wa sai lam na chye lu ga ai.

TKBC Hpungtau ni hte Sara Kaba ni rau

TKBC gaw Waimaw Ginwang a tara shang buga hpung langai rai nga ai hte maren, (10) ning  du hkra woi awn lanu lahku la lai wa sai Waimaw Ginwang hpe mung chyeju dum  ai maka kumla hku nna , makun lit hte rai shagrau sha-a ai lam shiga na chye lu ga ai.

TKBC nawku hpung hku nna mung KBC hte ading tawk matut mahkai sa wa lu na matu Waimaw Ginwang kaw htingbren shapraw pru na ahkang mung hpyi lajin da sai lam shi ga na chye lu ga ai.

MNK

Waimaw Ginwang Ningbaw Yan amu madu hpe TKBC ningbaw kaw nna chyeju dum kumhpa , makun lit hpe jaw ya nga yang

KCPC kaw na magam gun Rev. Hkangda Brang Ja hte hpung ningbaw Sara Nangzing Naw La ni mung sa du kabu lawm ma ai.

KBC Amu madu Kaba Rev. Hkalam Sam Son

hte TKBC Ningbaw Hpt. Labya Tu Awng San - Htai

Aja Awa Kyu Jawm Hpyi Ga

Wunpawng Shingni Ramma ni
Hpyen Hprawng ni hpe Kawan Shangwi Shapyaw

K

Manmaw Ginwang Magam gun ni

KBC Ra Ahkyak Karum Kahtau Komiti Hpawng

Yak Tim Pyaw Tim Rau Sha

KBC Shawng Lam masing sharin hpawng

MBC Amu madu kaba hpyen tsinyam masha ni hpe gawan

Majan tsinyam ni a matu garum alu hpe KBC kaw hkap la nga ga ai

Myitkyina Ginwang Ramma Shiga